Ұлытау облысында халықты жұмыспен қамту және өңірлік кадрлық әлеуетті дамытуға ықпал ететін әлеуметтік инфрақұрылым жобалары жүзеге асырылуда

Ұлытау облысында халықтың өмір сүру сапасын арттыру, тұрақты жұмыспен қамтуды кеңейту, еңбек нарығын дамыту және өңірдің кадрлық әлеуетін күшейту бағытында ауқымды әлеуметтік-инфрақұрылымдық жобалар жүйелі түрде іске асырылуда. Бұл бастамалар өңірдің әлеуметтік-экономикалық дамуына серпін беріп қана қоймай, құрылыс, білім, денсаулық сақтау және қызмет көрсету салаларында жаңа жұмыс орындарының ашылуына мүмкіндік жасап отыр.

Өңірлік коммуникациялар қызметі алаңында өткен брифингте облыстық құрылыс, сәулет және қала құрылысы басқармасының басшысы Ринат Алматов қазіргі уақытта өңір аумағында бірқатар ірі әлеуметтік маңызы бар нысандардың құрылысы қарқынды жүріп жатқанын атап өтті. Оның айтуынша, бұл жобалар тек инфрақұрылымды жаңғыртуға емес, сонымен қатар жергілікті халықты еңбекпен қамту деңгейін арттыруға және өңірлік кадрлық сұранысты қалыптастыруға бағытталған.

Бүгінде Қаражал қаласында заманауи жабық хоккей кортының құрылысы, Ұлытау ауылында жабық жүзу бассейнінің салынуы, сондай-ақ Қаражал қаласында көпфункционалды орталықтың құрылыс жұмыстары жүргізілуде. Бұл нысандар тұрғындардың бос уақытын тиімді өткізуіне және спорттық инфрақұрылымды дамытуға мүмкіндік береді.

Сонымен қатар Жезқазған қаласында курсанттарға арналған павильоны бар автодром мен мамандандырылған автоЦОН құрылысы жүзеге асырылуда. Бұл жоба азаматтарға мемлекеттік қызметтерді қолжетімді етуге, жүргізушілерді даярлау сапасын арттыруға және қызмет көрсету саласында жаңа жұмыс орындарын ашуға бағытталған. Аталған нысандардың пайдалануға берілуі көлік саласындағы сервистік қызметтердің сапасын жаңа деңгейге көтереді деп күтілуде.

Жезқазған қаласының Алашахан даңғылында жаңа әкімшілік ғимараттың, сондай-ақ оқушылар сарайының құрылысы да қатар жүргізілуде. Бұл нысандар мемлекеттік басқару жүйесінің тиімділігін арттырумен қатар, білім беру және жастардың шығармашылық дамуына қолайлы жағдай жасауға бағытталған.

Ұлытау ауылында заманауи емханасы қарастырылған көпбейінді аурухана құрылысы да жүзеге асырылып жатыр. Бұл жоба ауылдық жерлердегі медициналық қызмет сапасын жақсартуға, тұрғындардың денсаулығын қорғауға және медицина саласында білікті мамандарға қосымша жұмыс орындарын ашуға ықпал етеді.

Аталған жобалардың барлығы құрылыс кезеңінде жергілікті тұрғындарды уақытша жұмыспен қамтуға мүмкіндік беріп қана қоймай, нысандар іске қосылғаннан кейін тұрақты жұмыс орындарының пайда болуына да жағдай жасайды. Бұл өңірдегі еңбек нарығын жандандырып, халық табысының артуына ықпал ететін маңызды факторлардың бірі болып табылады.

Сонымен қатар әлеуметтік инфрақұрылымның дамуы өңірде жаңа мамандықтарға сұранысты күшейтіп, кадр даярлау жүйесін жетілдіру қажеттілігін арттырады. Бұл өз кезегінде кәсіби білім беру мекемелерінің рөлін күшейтіп, еңбек ресурстарының сапасын арттыруға мүмкіндік береді.

Мамандардың пікірінше, мұндай кешенді жобалар тек инфрақұрылымды дамыту ғана емес, сонымен қатар өңірдің еңбек әлеуетін арттыру, жастарды жұмыспен қамту және тұрақты экономикалық өсімге қол жеткізу тұрғысынан да маңызды рөл атқарады.

Жалпы алғанда, Ұлытау облысында әлеуметтік инфрақұрылымды дамыту арқылы халықты жұмыспен қамту деңгейін арттыру, еңбек нарығын тұрақтандыру және өңірдің кадрлық әлеуетін күшейту бағытындағы жұмыстар жүйелі түрде жалғасуда.