Наманган облысының Чустский ауданындағы 9 балабақша мен 2 мектептің тәрбиеленушілері — 70-тен астам бала уланып, ауруханаларға түсті, деп жазады Turanews.kz Qazaqstan телеарнасына сілтеме жасап.
Науқастардың дене қызуы көтеріліп, іші өткен. Әзірге олардың неден уланғаны туралы ресми ақпарат түскен жоқ. Дегенмен ата-аналардың пікірінше, мәселе йод препаратынан болуы мүмкін. Елде бір аптадан бері балаларға йод беру бағдарламасы жүргізіліп жатыр. Яғни, аптаның әр сәрсенбі күндері балаларға бұл препараттың профилактикалық дозасы беріледі.
Елдегі денсаулық саласына жауапты ведомство осы оқиғаға қатысты тергеуді бастады. Мәселені денсаулық сақтау министрі жіті бақылауға алған.
