Индонезияда, Ява аралында өткен футбол матчы кезінде 127 адам қаза болды, деп хабарлады жергілікті полиция. 180 адам түрлі дәрежеде жарақат алған. Жеңілген команда жанкүйерлері футбол алаңына жүгіріп шығып, соның салдарынан адамдар сығылысып, бір-бірін таптап кеткен.
BREAKING: At least 127 people killed, 180 injured in riot at football stadium in Indonesia, police say pic.twitter.com/WmuI67yJoi
— BNO News (@BNONews) October 1, 2022
Индонезияның екі футбол командасы, Arema мен Persebaya Surabaya Маланг қаласындағы стадионда ойнаған. Arema командасының 2:3 есебімен жеңілуіне шыдамаған жанкүйерлер футбол алаңына ұмтылған. Ашуланған топтың әрекеті көптеген адамның өліміне себеп болды. Полиция жас ағызатын газ пайдаланған, бірақ бұл тәртіпсіздікті онан сайын ушықтырған. Қаза болғандар арасында әйелдер мен балалар бар. Екі полиция қызметкері де қаза болған.
Индонезия футбол лигасы бір аптаға жұмысын тоқтатты. Оқиға тергеліп жатыр.
