Былтыр 14 мыңнан аса өзбекстандық Қазақстанға қоныс аударған

Бұл туралы Kazinform агенттігінің Ташкенттегі меншікті тілшісі Әлихан Асқар хабарлайды.

Өзбекстан статистика агенттігінің дерегінше, өзбекстандықтардың басым бөлігі Қазақстанға (14 051 адам), Ресейге (2 670 адам), Оңтүстік Кореяға (107 адам) және Түрікменстанға қоныс аударған.

Бұл ретте тұрақты тұру үшін көшкен өзбекстандықтардың 81,4% еңбекке қабілетті жаста болған.

Ал осы аралықта Өзбекстанға 2,9 мың адам қоныс аударды.

Оның басым бөлігі ресейліктер — 1,1 мың адам, одан кейін Қазақстан — 726 адам және 286 тәжікстандық көшіп келген.

Қоса кетсек, былтыр 1,2 млн қазақстандық Өзбекстанға туысқандарымен көрісу үшін барған.

Сондай-ақ, бір жылда Өзбекстан халқының саны 2,2 пайызға өсіп, 36,7 миллионнан асты.