Биыл 7 медициналық ұйымға күрделі жөндеу жұмыстары жүргізіледі
Өңірдің денсаулық сақтау саласында биыл 8 медициналық ұйымға күрделі жөндеу жұмыстарын өткізу жоспарланған.
![](https://turanews.kz/wp-content/uploads/2023/04/randevudoktor-780x470.jpg)
Бүгінгі таңда Кентау қалалық орталық ауруханасы, Келес аудандық «Абай» ауруханасы, Бәйдібек аудандық орталық ауруханасына қарасты, Боралдай дәрігерлік амбулаториясы бойынша күрделі жөндеу жұмыстарына мердігер мекемесі анықталып, келісімшарт түзілген. Алайда жобалардың техникалық қадағалаушысы анықталмағандықтан, құрылыс-монтаждау жұмыстарын басталмаған. Техникалық қадағалаушы анықталған соң, жұмыс кестесі бекітіліп, құрылыс-монтаждау жұмыстарын бастауға тиісті басқармадан рұқсат алынады деп күтілуде.
Сайрам аудандық орталық ауруханасы, Сайрам аудандық «Қарабұлақ» ауруханасы, Созақ аудандық орталық ауруханасы, Жетісай аудандық «Асықата» ауруханалары бойынша жобалау-сметалық құжаттамалары (ЖСҚ) мемлекеттік сараптамадан өткізілуде. 2023 жылдан өтпелі, Жетісай аудандық орталық ауруханасының күрделі жөндеу жұмыстары бүгінгі күні толығымен орындалды. Ал Сарыағаш аудандық орталық ауруханасы бойынша 90% орындалып, жөндеу жұмыстары жалғасуда.
Бұдан бұрын 4 ауданаралық АОА күрделі жөндеуі бойынша Сарыағаш, Жетісай, Сайрам және Ордабасы аудандық орталық ауруханаларының ғимаратын күрделі жөндеуден өткізу жоспарланып, замануи медициналық құрал-жабдықтармен жарақтандыру стандартына сәйкес жүзеге асырылуда. Оның ішінде Ордабасы аудандық орталық ауруханасы ғимаратының күрделі жұмыстары 2022 жылы, ал Жетісайдағы сәуір айында аяқталды. Сарыағаш аудандық ауруханасының күрделі жөндеу жұмыстары мамыр айында аяқталады деп жоспарланып отыр. Биыл Сайрам аудандық орталық ауруханасы ғимаратының күрделі жөндеу жұмыстары басталып, келесі жылы аяқталады деп күтілуде.
Айта кетейік, «Ауыл – Ел бесігі» бағдарламасы аясында Бәйдібек ауданы, Шақпақ ауылында орналасқан «Алғабас» дәрігерлік амбулаториясы ғимаратына күрделі жөндеу жұмыстарын жүргізу жоспарланып, былтыр күз айында аяқталған.