Беларусьте дроннан пайдалануға тыйым салынды

Беларусь президенті Александр Лукашенко жеке тұлғаларға Беларусь аумағына азаматтық ұшқышсыз ұшатын құрылғыларды әкелуге, сақтауға, сатуға, пайдалануға және жасауға тыйым салатын жарлыққа қол қойды, деп жазады Turanews.kz.

Беларусь басшысының баспасөз қызметі таратқан хабарламаға сәйкес, құжат қоғамдық қауіпсіздікті қамтамасыз етуге және дрондар мен ұшақ үлгілерін мемлекеттік тіркеуді және оларды пайдалануды реттеуге бағытталған.

Осы қаулыда белгіленген талаптарды сақтай отырып, Беларусь аумағына кәсіпкерлік және кәсіптік қызмет мақсатында дрондар әкелуге, сақтауға, айналымға енгізуге, пайдалануға және өндіруге ұйымдар мен жеке кәсіпкерлерге ғана рұқсат берілген.