WhatsApp-та екі жаңа функциясы бар ақылы жазылым пайда болады
![](https://turanews.kz/wp-content/uploads/2022/10/whatsapp-780x470.jpg)
WhatsApp әзірлеушілері WhatsApp Business қолданушылар үшін Premium жазылымын іске қосады, ол кейбір бета тестерлеріне қолжетімді, — деп хабарлайды Tengrinews.kz тілшісі Android Police порталына сілтеме жасап.
Жаңа WhatsApp Premium қызметі тұтынушы мен компания байланысуын жеңілдету үшін қолданушыларға өздерінің бизнес сілтемесін жасауға мүмкіндік береді. Оны 90 күн ішінде бір рет өзгертуге болады. Жазылым аяқталғаннан кейін немесе оны жаңартудан бас тартқан жағдайда сілтеме жарамсыз болады.
Сондай-ақ, WhatsApp Premium қолданушылары бір бизнес есептік жазбасына он құрылғыға дейін қосыла алады. Бұл бизнес иесі мен оның менеджерлеріне профильге бір уақытта қосылуға көмектеседі.
WhatsApp Business қолданбасының барлық басқа мүмкіндігі пайдаланушылар үшін тегін қалады.
WhatsApp Premium жазылымының құны әлі жарияланған жоқ. Оның бағасы аймаққа байланысты өзгеруі мүмкін.