ӘлемҚоғам

Ұлыбританияда Қазақстан азаматына адам өлтірді деген айып тағылды

Лондон полициясы Қазақстан азаматы Баймолда Бейбітті кісі өлтірді деген күдікпен ұстады.

Лондон полициясының мәліметінше, 30.12.1986 жылы туған Баймолда Бейбітке 7 мамырда кісі өлтірді деген айып тағылған. Ол 8 мамырда Темза Магистратура сотына келді, деп хабарлайды TuraNews.kz агенттігі Kazinform-ға сілтеме жасап.

6 мамыр күні кешкі сағат 21:00 шамасында Лондондағы аудандардың бірінде 42 жастағы ер адамның денесі табылған. Оқиға орнына полиция қызметкерлері жеткен. Ажал құшқан адамның денесінде пышақ жарақаттары бары анықталған.

«Оқиға орнында кісі өлтірді деген күдікпен Бейбіт пен 33 жастағы әйел ұсталды. Бейбітке жоғарыда көрсетілген айып тағылды. 33 жастағы әйел тергеу шаралары аяқталғанға дейін босатылды», – деді Лондон полициясы.

Kazinform тілшісінің хабарлауынша, Баймолда Бейбіт Қазақстаннан Ұлыбританияға 2023 жылдың мамыр айында 6 айға маусымдық жұмыс визасымен келген.

TuraNews

Back to top button