Бұл туралы ҚХР Сыртқы істер министрлігінің сайтындағы хабарламада айтылған, деп жазады Kazinform агенттігі.
«Бұл сапар Қытай мемлекеті басшысының Еуропаға соңғы бес жылдағы алғашқы сапары болады және Қытайдың Франциямен, Сербиямен және Мажарстанмен қарым-қатынастарын және тұтастай алғанда Қытай-Еуропа қарым-қатынастарын одан әрі дамыту үшін үлкен маңызға ие», – деді кезекті брифинг барысында Қытай Сыртқы істер министрлігінің ресми өкілі Линь Цзянь.
Оның айтуынша, Си Цзиньпин Францияға сапары барысында Эмманюэль Макронмен Қытай-Франция және Қытай-Еуропа қарым-қатынастары, сондай-ақ екі тарапты да қызықтыратын өзекті халықаралық және аймақтық мәселелер бойынша келіссөздер жүргізіп, терең пікір алмасады.
Сербияда президент Александр Вучичпен келіссөздер жүргізіліп, тараптар Қытай-Сербия байланыстарының деңгейін арттыру мәселелерін талқылап, мемлекетаралық қатынастардың болашағын дамыту бағытын анықтайды.
Линь Цзянь атап өткендей, Мажарстан – Орталық және Шығыс Еуропадағы маңызды ел және Қытайдың «Бір белдеу, бір жол» бірлескен құрылысы және Қытай мен Орталық және Шығыс Еуропа елдері арасындағы ынтымақтастықты ілгерілетудегі ынтымақтастық серіктесі.
Линь Цзянь хабарлағандай, сапар барысында Си Цзиньпин Виктор Орбанмен кездесу барысында келіссөздер жүргізіп, Қытай-Венгрия қарым-қатынастары мен өзара мүдделі мәселелерді тереңірек талқылайды.
