Форум Өзбекстанның Испаниядағы елшілігі, «Узсаноатқурилишматериаллари» қауымдастығы және Самарқанд облысы әкімдігінің қолдауымен ұйымдастырылуда, деп хабарлайды TuraNews.kz сайты ӨзА агенттігіне сілтеме жасап.
Іс-шараға Өзбекстан мен Испанияның жетекші компаниялары, құрылыс саласының мамандары мен сарапшылары қатысады. Қатысушылар заманауи технологиялар, бағыттар және бірлескен жобаларды жүзеге асыру мүмкіндіктерін талқылайды, сондай-ақ құрылыс саласындағы жаңа шешімдермен танысады.
Форум барысында тараптар құрылыс және заманауи құрылыс материалдарын өндіру саласындағы жаңа перспективалық жобаларды әзірлеуі күтілуде. Бұл Өзбекстан мен Испания арасындағы өнеркәсіптік кооперацияны нығайтудағы маңызды қадам болады.
