Қытайдың бірнеше аймағында төтенше жағдай режимі енгізілді
Бұған ауа райының қолайсыздығы себеп болып отыр.
Қытайдың Төтенше жағдайлар министрлігі Аньхой, Хэнань және Хубэй провинцияларындағы төмен температура мен қардың мол түсуіне байланысты 4-ші деңгейдегі төтенше жағдай режимін іске қосты, деп хабарлайды inbusiness.kz сайты.
«Көктем мерекесінен кейін жолаушылар тасымалы көп болатынын ескере отырып, бірқатар аймақтарға аязды жаңбыр мен қар жауады деп күтілуде, табиғи апаттардың қаупі салыстырмалы түрде жоғары», — делінген ведомство хабарламасында.
Министрлік тиісті аудандарда ауа райының өзгеруіне жіті назар аударуды, түрлі ведомстволар арасындағы үйлестіруді күшейтуді, төтенше жағдайларды жою күштерін күшейтуді және табиғи апаттарды жоюға алдын ала дайындалуды талап етті.
Орталық метеорологиялық станция сол күні қарлы боранға байланысты сары ескерту жариялады. Болжамға сәйкес, сейсенбіден жұмаға дейін елдің кей аймақтарында жаңбыр, бұршақ жаууы мүмкін.
