Қырғызстандағы су тасқынынан қаза тапқан 4 баланың денесі Қазақстанға жеткізіледі

Қырғызстан Төтенше жағдайлар министрлігі жедел штабының ақпаратына сәйкес, сел тасқыны салдарынан бұрын жоғалып кеткен тағы 2 бала – Қазақстан азаматтарының денесі табылды.

Қазіргі уақытта жергілікті биліктің көмегімен жеделдетілген режимде құжаттар ресімделіп, қажетті рәсімдер жүргізіліп жатыр, – деп мәлімдеді еліміздің Сыртқы істер министрлігі.

Қазақстандық дипломаттар қаза тапқандардың туыстарына барынша көмек көрсетіп жатыр, – деп толықтырды ведомство.

Жақын арада еліміздің Төтенше жайдайлар министрлігінің ұшағымен қаза болған барлық 4 баланың денесі Қазақстанға жеткізіледі.

Бұған дейін көрші елдегі сел тасқыны салдарынан екі қазақстандық баланың көз жұмғаны туралы хабарланған болатын.