Қырғызстанда найзағайдан шабандоз мерт болды
Қырғызстан астанасы Бішкектегі "Ақ құла" ипподромында найзағай соғуынан 15 жасар бала ауруханада қайтыс болды.
Шабандоз мінген жануар сол жерде өлді. Бұл туралы Қырғыз астанасы ІІБ баспасөз қызметі хабарлады, деп жазады inbusiness.kz сайты.
Ақпаратқа сәйкес, бішкектік милицияның жедел-тергеу тобы бірден оқиға орнына келді. Алдын ала тергеу барысында жасын ат үстінде отырған 15 жастағы жасөспірімге түскені анықталды. Ол ауруханада қайтыс болды.
«Тергеуге дейінгі тексеру тиісті сараптамаларды тағайындау мен куәгерлерден сауалнама жүргізуден басталды», – делінген құқық қорғау органдарының ресми хабарламасында.
Жазатайым оқиғаға қатысты Бішкек қалалық әкімдігі түсініктеме берді.
«Ипподром аумағындағы барлық ат қоралар жекешелендірілген, бірақ кейбіреулерін жеке адамдар пайдаланады. Муниципалитеттің бірнеше рет талап еткеніне қарамастан, жеке меншік иелері жылқыларды өз еркімен серуендеп, жаттықтырды», – делінген қалалық әкімшіліктің хабарламасында.
