Қырғызстанның Шекара қызметінің мәліметінше, «Қайрағаш — автожол» бақылау-өткізу бекеті арқылы 3 755 адам, «Қызыл-Бель — автожол» бекеті арқылы 659 адам шекарадан өтті. Сонымен қатар, 477 адам Қырғызстан мен Тәжікстан арасында әуе қатынасы арқылы сапар жасады.
«Қайрағаш — автожол» бақылау-өткізу бекеті Баткен облысы Лейлек ауданындағы Кулунду ауылының маңында орналасқан. Ол екіжақты өткізу пункті болып саналады және тек Қырғызстан мен Тәжікстан азаматтарының өтуіне арналған.
«Қызыл-Бель — автожол» бақылау-өткізу бекеті Баткен облысының Баткен ауданында орналасқан және халықаралық мәртебеге ие. Бұл бекет арқылы Қырғызстан, Тәжікстан азаматтары мен үшінші елдердің азаматтары өте алады. Екі бекет те тәулік бойы жұмыс істейді және жүк тасымалы мен жолаушыларды өткізеді.
Айта кетейік, Қырғызстан мен Тәжікстан арасында бес шекаралық өткізу бекеті бар: «Кулунду — автожол», «Қызыл-Бель — автожол», «Қайрағаш — автожол», «Қарамык — автожол» және «Бор-Добо — автожол».
21 ақпанда Қырғызстан мен Тәжікстан мемлекеттік шекара мәселесін түпкілікті шешті. 13 наурызда Қырғызстан президенті Садыр Жапаров пен Тәжікстан президенті Эмомали Рахмон мемлекеттік шекара туралы тарихи келісімге қол қойды.
Сол күні екі елдің басшылары Бішкекте бейнебайланыс режимінде «Қайрағаш — автожол» (Лейлек ауданы) және «Қызыл-Бель — автожол» (Баткен ауданы) бақылау-өткізу бекеттерінің ашылу рәсіміне қатысты. Бұл бекеттер 2021 жылдың мамыр айынан бері жабық болған еді. 14 наурыздан бастап Қырғызстан мен Тәжікстан арасында әуе рейстері қайта жанданды.
