Биыл қаңтар–шілде қорытындысы бойынша, Қазақстан мен Өзбекстан арасындағы тауар айналымы 2,5 млрд АҚШ долларын құрады, бұл бір жыл бұрынғыдан 0,4% аз, деп жазады TuraNews.kz finprom.kz-ге сілтеме жасап.
Тауар айналымының басым бөлігін (71,6%) экспорт: 1,8 млрд АҚШ доллары, бір жылда 2,7% азайған.
Импорт 28,4%: 721,6 млн АҚШ доллары, бір жылда 6,1% көбейген
Экспорттың негізгі санаты — бидай мен меслин: мұнда жеткізілім көлемі 511,9 млн АҚШ долларын құрады, бұл былтырғыдан 22,1% артық. Басқа да негізгі санаттарға шойын мен болаттан жалпақ прокат, ұн, минералды және химиялық тыңайтқыштар, тоң майлар мен майлар кіреді.
Өзбекстаннан Қазақстанға импорттың негізгі санаттары киім және киім қажеттіліктері (27,5 млн АҚШ доллары), шойын мен болаттан жалпақ прокат (23,8 млн АҚШ доллары), автокөліктердің бөлшектері мен керек-жарақтары (23,5 млн АҚШ доллары), тоңазытқыштар мен мұздатқыштар (15,5 млн доллары) және 10 немесе одан да көп адамды тасымалдауға арналған автобустар мен басқа да осыған ұқсас моторлы көліктер (12,9 млн АҚШ доллары).
Осы жылдың бірінші тоқсанының қорытындысы бойынша Қазақстан резиденттерінің көрші ел инвесторлары алдындағы міндеттемесі 357,8 млн долларға жеткен. Бұл алдыңғы жылмен салыстырғанда 16%-ға көп.
