Экономика
Қазақстан мен Тәжікстан банк саласындағы ынтымақтастық туралы келісті
Қазақстан Республикасы Премьер-Министрінің орынбасары – Сыртқы істер министрі Мұрат Нұртілеу «Ориенбонк» ААҚ Басқарма төрағасы Хасан Асадуллозодамен кездесті.
![](https://turanews.kz/wp-content/uploads/2023/05/kz-tj-780x470.jpg)
Душанбе, 2023 жылғы 26 қаңтарда өткен кездесуде сауда-экономикалық операцияларды жүргізу кезінде банкаралық есеп айырысуларды ұйымдастыру, Қазақстанның банк операцияларын цифрландыру саласындағы тәжірибесін зерделеу және т.б. салалардағы ынтымақтастық мәселелері талқыланды.
Тараптар ауыл шаруашылығы саласындағы бірлескен жобаларды, сондай-ақ басқа да перспективалы жобаларды қаржыландыру жөнінде уағдаластыққа қол жеткізді.
![](https://turanews.kz/wp-content/uploads/2024/01/kz-tj.jpeg)
Анықтама: «Ориенбонк» ААҚ активтер мен капитал мөлшері бойынша Тәжікстанның банк секторының көшбасшыларының бірі. Оның 32 филиалы, 242 банктік қызмет көрсету орталығы бар, онда 1200-ден астам қызметкер жұмыс істейді.