Түрік ынтымақтастық және үйлестіру агенттігі (ТИКА) Қазақстанның Қарағанды қаласындағы Е.Бөкетов атындағы Қарағанды университетінде түрік тілі сыныбын ашты, деп хабарлайды TuraNews.kz.
Е.Бөкетов атындағы Қарағанды университетінің ректоры Нұрлан Дулатбеков университеттің шет тілдер факультеті ғимаратында ашылған сыныпқа байланысты сөзілеген сөзінде университет студенттері арасында түрік тіліне қызығушылықтың жоғары екенін айтты.
ТИКА вице-президенті Үмит Наджи Йорулмаз TİKA ретінде 1995 жылдан бері Қазақстанда әртүрлі салада қызметтерін атқарып келе жатқандарын түсіндіріп, «Олардың ішінде білім саласындағы жобалардың орны ерекше» деді. ТИКА-ның осы уақытқа дейін елорда Астана мен Шымкентте түрік сыныптарын ашқанын атап көрсеткен Йорулмаз алдағы уақытта басқа қалалардағы университеттерде де ашуды жалғастыратындарын білдірді.
Йорулмаз бұл сыныптарда түрік және түрік әдебиетіне қызығатын студенттерге сабақ жүргізілетінін айтты. «Осы жастардың арқасында қазақ-түрік бауырластығы мен достығы мәңгілікке жалғасады” деді ол.
