Басты

Өзбекстан Қазақстанмен шекарадағы өткізу пункттеріне «жасыл» және «қызыл» дәліз жүйесін енгізбек

Биыл қыркүйектен бастап Өзбекстанның бақылау-өткізу пункттеріне көліктерге арналған «жасыл» және «қызыл» дәліз жүйесі енгізіледі.

Тиісті жарлыққа Өзбекстан президенті Шавкат Мирзиеёв қол қойды. Құжатқа сай, бірінші кезекте аталған жүйе Ташкент облысындағы «Гишткуприк» (Қазақстан тарапында «Жібек жолы») және «Зангиота» («Қапланбек») және Қарақалпақстандағы «Дәуіт-ата» («Тәжен») өткізу пунктілеріне енгізіледі, деп жазажы Kazinform агенттігі.

Талапқа сәйкес, қауіпсіз тауар тиелген көліктер «жасыл» дәліз арқылы тексерістен жедел өте алады. Ал «қызыл» дәлізге түскен темір тұлпарларға толық кедендік бақылау жүргізіледі. Айта кетейік, кеден қызметкерлері «жасыл» дәлізде тұрған көлік күдік тудырса, онда оған жеке тексеру жүргізуге құқылы.

Жоба әзірге пилоттық негізде жұмыс істейді. Егер ол тиімді нәтиже беріп жатса, онда 2026 жылы 1 қыркүйектен бастап барлық шекара пунктілеріне енгізу жоспарланған.

 

 

TuraNews

Back to top button