Экономика
Өзбекстан – Моңғолия: өнеркәсіп саласында жаңа әріптестік басталды
Өзбекстанның «Узэлтехсаноат» қауымдастығы мен Моңғолияның «Gerege Systems» компаниясы өзара түсіністік туралы меморандумға қол қойды.
Құжатқа сәйкес, тараптар электр және газ есептегіштерін енгізу, оларды қадағалау мен басқару бағытында ынтымақтастықты жолға қояды, деп жазады UzA.
Меморандум аясында Өзбекстан өндірушілерінің тәжірибесіне сүйене отырып, Моңғолияда электр және газ есептегіштерін тіркеу жүйесін енгізу жөнінде келісімге қол жеткізілді.
Аталған әріптестік екі ел арасындағы өнеркәсіптік байланыстарды жаңа кезеңге шығарады, сондай-ақ технологиялық әріптестікті нығайтуға қызмет етеді деп күтілуде.
Қауымдастықтың хабарлауынша, бұл меморандум Улан-Батор қаласында өткен Өзбекстан – Моңғолия бизнес-форумы аясында рәсімделді.
