Моңғолия жайылымдарды тұрақты пайдалану жөніндегі халықаралық коалиция құру туралы бастама көтерді
Моңғолия жайылымдар мен болашақ жерлерді тұрақты пайдалану жөніндегі халықаралық коалиция құру туралы бастама көтеріп отыр.
Бұл туралы сәрсенбіде Моңғолия Президенті Ухнаагийн Хурелсух Бакуде өткен СOP29 Дүниежүзілік климат саммитінің аясында мәлімдеді, деп жазады Синьхуа.
Оның айтуынша, климаттың өзгеруі табиғи факторлармен де, адам қызметінің тікелей әсерінен де жеделдеп, тұрақты дамуға, дүниежүзіндегі адамдардың өмір сүру құралдары мен әл-ауқатына кері әсер етеді.
«Осыған орай, саяси көшбасшылығымызды, бірлескен күш-жігерімізді және іс-әрекетімізді күшейтуіміз қажет. Табиғат-анамен үйлесімді өмір сүру — адам болмысының негізі және біз мұны ешқашан ұмытпауымыз керек», — деді ол.
У.Хурелсух дәстүрлі мал шаруашылығына арқа сүйейтін елдер үшін климаттық өзгерістердің жағымсыз салдарын жою мақсатында Моңғолия жайылымдар мен болашақ жерлерді орнықты пайдалану жөніндегі халықаралық коалиция құруды ұсынып отырғанын баса айтты.
«Біз дүниежүзінің дәстүрлі мал шаруашылығы тәжірибесі бар 100-ден астам елде 500 миллионға жуық адамға денсаулығы мен өмір сүру жағдайын жақсарту арқылы пайда әкелетін инвестиция мен қаржыландыруды ұлғайту жөніндегі бұл бастаманы қолдайтынына сенімдіміз», — деді У.Хурелсух.
