Иранда биыл 18 әйел өлім жазасына кесілді

Сәрсенбі күні Иранда күйеуін өлтіргені үшін өлім жазасына кесіліп, он жыл түрмеде отырған 29 жастағы Самира Сабзианды дарға асылды. Ол биыл Иран билігі өлім жазасына кескен он сегізінші әйел болды.

Норвегияда орналасқан Иран адам құқықтары ұйымының (IHR) хабарлауынша, өлім жазасы Тегеран маңындағы Карадж қаласында, елдегі ең үлкен түрмелердің бірі Гезел Хесар түрмесінде орындалды.

Ирандық басылымдар бұл туралы жазбады, билік өкілдері де ресми растаған жоқ.

Самира 15 жасында тұрмысқа шығып, туыстарының айтуынша, жүйелі түрде тұрмыстық зорлық-зомбылыққа ұшыраған.

19 жасында ол күйеуін өлтірді деген айыппен ұсталды. Сот бірден өлім жазасын кескенімен бірқатар бюрократиялық себептерге байланысты оның орындалуы кейінге қалдырылды.

Тұтқындау кезінде оның екі баласы болған (олардың бірі — сәби), олар он жыл ішінде бір-бірін бір рет қана көруге рұқсат алған — өлім жазасынан бір күн бұрын.

Amnesty International құқық қорғау ұйымы және бірқатар елдің үкіметтері, соның ішінде Ұлыбритания, Иран билігімен келіссөздер жүргізу арқылы жас әйелдің өмірін сақтау үшін көптеген жыл бойы келіссөздер жүргізуге тырысты.

Құқық қорғаушылардың пікірінше, кейінгі кездері Иранда өлім жазасына кесілгендер саны айтарлықтай артқан. Биыл қарашаның өзінде 115 адам дарға асылды.