Бұл туралы Trend агенттігі Иран Кеден басқармасының статистикасына сілтеме жасап хабарлайды.
Құндық тұрғыда импорт 72,5 пайызға, ал салмақтық тұрғыда 68,2 пайызға азайған. Статистикаға сәйкес, екі ай ішінде Иран Түрікменстаннан 923 мың тонна өнімді 980 мың АҚШ доллары сомасына импорттаған. Өткен жылдың сәйкес кезеңінде импорт көлемі 2,9 мың тоннаны, құны 3,57 миллион долларды құраған болатын.
Иран Түрікменстаннан негізінен мұнай коксы, мақта, мата және басқа да өнімдерді импорттаған.
Сонымен қатар, екі ай ішінде Иранның Түрікменстанмен мұнай емес тауар айналымы 251 мың тоннаға жуық өнімді құрап, жалпы құны 83,4 миллион долларға жеткен. Бұл көрсеткіш өткен жылдың сәйкес кезеңімен салыстырғанда құндық тұрғыда 13 пайызға, ал салмақтық тұрғыда 2,44 пайызға өскенін көрсетеді.
Жалпы алғанда, Иранның мұнай емес өнім импорты екі айда 5,92 миллион тоннаны құрап, жалпы сомасы 8,47 миллиард долларға жетті. Бұл импорт құндық тұрғыда 7,8 пайызға төмендесе де, салмақтық тұрғыда 1,16 пайызға артқан.
Айта кету керек, Иран өнім импорттауда елдің қажеттіліктеріне басымдық береді және елде өндірілетін ұқсас тауарлардың импортына белгілі бір шектеулер қояды.
