Иран СІМ басшысы елде уранды байыту процесінің тоқтатылғанын мәлімдеді
АҚШ-тың ядролық нысандарға жасаған соққысынан кейін Ирандағы уранды байыту әлі басталған жоқ, алайда Тегеран бұл процесті ұлттық мақтаныш деп санап, одан бас тартқысы келмейді.
Бұл туралы Ислам республикасы СІМ басшысы Аббас Арагчи мәлімдеді, деп хабарлайды ТАСС ақпарат агенттігі.
— Қазір ол тоқтатылған, өйткені елеулі залал келтірілді. Бұл ретте ол ғалымдарымыздың жетістігі болған соң, байытудан бас тартпайтынымыз анық, оның үстіне бұл енді ұлттық мақтаныш мәселесі, — деді министр Fox News-ке берген сұхбатында.
Министр Иранның атом энергиясы ұйымы қазіргі уақытта ядролық нысандарға келтірілген шығын көлемі мен байытылған уран қоймаларының жағдайын бағалап отырғанын қосып өтті.
Бұған дейін NBC News телеарнасы егжей-тегжейлі ақпарат келтірместен АҚШ-соққылары салдарынан Иранның бір ғана ядролық нысаны зақымданғанын хабарлаған. Ақ үй бұл ақпаратты жоққа шығарды.
CNN телекомпаниясының 24 маусымда хабарлағанындай, америкалық барлау қауымдастығы Иранға жасалған соққылар республиканың ядролық бағдарламасының негізгі құрамдас бөліктерін жойған жоқ деп есептейді.
АҚШ барлау қызметінің алдын ала бағалауы бойынша, шабуыл Тегеранның ядролық бомбаға ие болуын бірнеше айға ғана кешіктірген болуы мүмкін. Бұл АҚШ Қорғаныс министрлігі барлау басқармасының жасаған тұжырымы. Бұл ретте ол осындай қорытындыға оның дәлдігіне сенімнің төмен дәрежесімен келгенін нақтылады.
25 маусымда АҚШ президенті Дональд Трамп пен қорғаныс министрі Пит Хегсет соның ішінде АҚШ барлау қызметінің жаңа деректеріне сілтеме жасай отырып 22 маусымға қараған түні соққыға жығылған Иранның Исфахан, Натанз және Фордодағы ядролық нысандарының жер бетінен іс жүзінде жойылғанына сенім білдірді.
Бұдан бөлек, Ақ үй Вашингтонда бар ақпаратқа сәйкес Иран бұл кешендерден ядролық материалдарды алдын ала шығара алмағанына сендірді.
