SpaceX: Ұшақтарға арналған спутник интернетін ұсынды
Илон Масктың SpaceX компаниясы ұшақ жолаушыларына арналған Starlink Aviation жоғары жылдамдықты спутник Интернет қызметін іске қосатынын жариялады, деп SpaceX веб-сайтына сілтеме жасап Kaz.tengritravel.kz хабарлайды.
Starlink Aviation жобасының сайты әуе лайнерлеріндегі қосылу жылдамдығы секундына 350 мегабитке жететінін, бұл барлық жолаушыға бір уақытта ағындық интернетке қол жеткізуге мүмкіндік беретінін көрсетеді.
With Starlink, passengers will be able to access high-speed, low-latency internet from the moment they walk on their plane → https://t.co/bcn8jvpKgi pic.twitter.com/mDDQou1ZA3
— SpaceX (@SpaceX) October 19, 2022
«Небәрі 20 миллисекунд кідіріспен жолаушылар бұрын рейстерде қолжетімді емес әрекеттерді, соның ішінде бейне қоңырауларды, онлайн ойындарды, виртуалды жеке желілерді және басқа да жоғары жылдамдықтағы әрекеттерді орындай алады», — делінген хабарламада.
Компания 2023 жылдан бастап бірқатар ұшақта ұшу кезінде жоғары жылдамдықты интернетке қол жеткізуге уәде береді.
Ұшақ бортындағы бағдарламаға қосылу үшін құны 150 мың доллар тұратын арнайы жабдықты орнату қажет болады. Абоненттік төлем айына 12,5 мыңнан 25 мың долларға дейін. Жабдықтар жиынтығын SpaceX сайтында 5 мың долларға брондауға болады, бірақ 2023 жылы жеткізіле бастайды.
