Грузияда төтенше жағдай: нөсер жауын салдарынан үйлер су астында қалды
Грузияның Мцхета-Мтианети аймағына құтқарушылар мен төтенше жағдайлар қызметі жұмылдырылуда. Нөсер жауынның салдарынан үйлер, жолдар су астында қалды, көпірлер мен электр желілері зақымданып, елді мекендердің бір бөлігі электр жарығынсыз қалды
Бұл туралы Newsgeorgia.ge хабарлайды.
Квемо Картлиде бірнеше елді мекен сыртпен байланыссыз қалды. Әсіресе Марнеули, Тетрицкаро, Болниси және Дманисиде жағдай өте қиын. Су басқан аймақтардан тұрғындарды эвакуацияланып жатыр, 15 отбасы көшірілді. Қызыл көпір аймағындағы шекарада 9 адамды қайықпен алып кетуге тура келді.
Үкіметтің хабарлауынша, залал мөлшерін анықтау жөніндегі комиссия құрылған.
Алдағы тәулікте Грузияның Мцхета-Мтианети аймағында жауын-шашынның көп түсуінен Арагви өзенінің арнасы күрт көтерілуі мүмкін екендігі туралы шұғыл хабар жарияланды. Төтенше жағдай туралы ескертуді GWP су тарату компаниясы таратып, саяхатшылар мен жергілікті тұрғындарды өте сақ болуға шақырды.
GWP хабарлауынша, Жинвальское су қоймасы толды және артық су Арагвиге төгілді.
Арагви — Грузияның шығысындағы Қазбег, Душет және Мцхет муниципалитеттерінің аумағы арқылы өтетін Мткваридің (Куры) сол саласы. Арагви Мцхета қаласындағы Мтквариге құяды.
