Ауғанстанда әйелдер базары ашылды
![](https://turanews.kz/wp-content/uploads/2023/09/women-bazaar-afgh.jpg)
Кабулда әйелдер базары ашылды. Олар биліктен әйелдерді жұмысқа орналастыруға өтініш білдірді, деп inbuisness.kz-ке сілтеме жасап Turanews.kz хабарлайды.
Компаниялардың бірі Кабулда эксклюзивті әйелдер нарығын ашып, жүзден астам әйелді жұмыспен қамтуға мүмкіндік берді.
Оны құрудағы мақсат – соңғы екі жылда жұмыссыз жүрген әйелдерді жұмыспен қамту.
— Бұл нарықты құрудағы басты мақсат – қазіргі жағдайда Ауғанстанда тұратын барлық әйелдерге қолайлы жағдай жасау,- деді базардың иесі Раджмана Халики.
Сатушы әйелдердің бірі – Оля Ахмадьяр отбасының жалғыз асыраушысы. Ол 18 жылдан астам бизнеспен айналысып келе жатқанын, енді өнімдерін дүкенде сенімді түрде сата алатынын айтты.
Базардағы кәсіпкерлер әйелдерге қауіпсіз орын жасалғанына ризашылығын білдіріп, ел билігінен кәсіпкерлерге қолдау көрсетуді сұрады.
Ал кейбір әйелдер ел билігінен жұмыс істеуге мүмкіндік беруді сұрап отыр. Базар шамамен 20 акр аумақты алып жатыр және 50 миллион ауғаниға салынған. Оны кәсіпкер өз қалтасынан шығарған.
Бұған дейін БҰҰ Бас хатшысы тәліптерді қыздарға арналған мектептер ашуға шақырған еді. Ол 7-сыныптан бастап қыздарға арналған мектептердің жабылуын «бүкіл елге ұзақ мерзімді зиян келтіретін адам құқықтарын негізсіз бұзу» деп атады.