2026 жылдың қаңтар-сәуір айларының қорытындысы бойынша Қазақстанның сыртқы сауда айналымы 44,9 млрд АҚШ долларын құрады. Бұл көрсеткіш өткен жылдың сәйкес кезеңімен салыстырғанда номиналды мәнде 7,9%-ға артқан.
Есепті кезеңде экспорт көлемі 24 млрд долларға жетсе, импорт көлемі 20,9 млрд долларды құрады. Қазақстанға тауар жеткізуші ірі елдердің көш басында Ресей (6,6 млрд $), Қытай (6 млрд $), Германия (1 млрд $), АҚШ (0,9 млрд $) және Оңтүстік Корея (0,5 млрд $) тұр.
Ал отандық өнім экспортының негізгі бағыттары ретінде Қытай (4,9 млрд $), Италия (4 млрд $), Ресей (2 млрд $), Түркия (1,7 млрд $) және Өзбекстан (1,4 млрд $) елдері тіркелді.
Ұлттық статистика бюросының мәліметінше, 2026 жылдың алғашқы төрт айындағы көрсеткіштер Қазақстанның сыртқы саудасында оң динамиканың сақталғанын және негізгі халықаралық серіктестермен тауар айналымының тұрақты өсіп келе жатқанын айғақтайды.
