Жыл сайын шілде айының алғашқы жексенбісінде тойланатын Ұлттық домбыра күні биыл жаһандық ауқымда, әлеуметтік желілерде үлкен серпіліспен атап өтілді. Дүние жүзіндегі Қазақстан елшіліктері «Отандастар қорының» шақыруын қолдап, қасиетті аспаптың үнін әлемнің түкпір-түкпірінде асқақтатты.
Биылғы мерекелік шаралар мен ресми мәлімдемелер географиясы өте ауқымды болды:
- Ұлыбритания мен АҚШ: Лондондағы және Вашингтондағы дипломатиялық өкілдіктер домбыраның ұлттық кодтағы орнына тоқталып, «Нағыз қазақ – домбыра. Оның үнінде ұлттың тарихы, мінезі мен жаны жатыр» деген ортақ үндеуді алға тартты.
Bu gönderiyi Instagram’da gör
- Түркия: Түркиядағы елшілік пен консулдықтар аспаптың терең мағынасына үңіліп: «Домбыра – жай ғана аспап емес. Ол – халқымыздың тарихы, рухы, ұлттық болмысы мен баға жетпес асыл mұрасы», — деген жүрекжарды лебіздерін білдірді.
Bu gönderiyi Instagram’da gör
- Италия мен Швеция: Рим мен Стокгольмдегі елшіліктер де мерекелік челленджге белсенді түрде қосылып, Еуропа төрінде қазақ күйін қалықтатты. Олар өз жазбаларында домбыраны «мемлекетіміздің ерекше брендіне айналуы тиіс басты құндылық» ретінде сипаттады.
Bu gönderiyi Instagram’da gör
Bu gönderiyi Instagram’da gör
-
- Бразилия: Латын Америкасындағы елшілік те бұл үрдістен қалыс қалмай, өздерінің ресми парақшаларында домбыраның қоңыр үнін бразилиялық көрермендерге ерекше мақтанышпен таныстырды.
Bu gönderiyi Instagram’da gör
