Тіл бірлігі мен түркі мемлекеттерінің ортақ әліпбиге көшу процесін жеделдету мақсатында біртұтас әліпби жасау жөніндегі комиссия құрылды. Комиссияның бірінші отырысы Қырғызстанда өтеді, деп хабарлайды ҚазАқпарат Анадолы агенттігіне сілтеме жасап.
Бірыңғай әліпби комиссиясын құру жөніндегі шешім Түркияның Бурса қаласында өткен тіл күнінің 90 жылдығына арналған «Түркі әлемінің жалпы әліпбиі бойынша семинарда» Түркі мемлекеттері үйымының қарауына ұсынылды.
Семинар түрік тілі қоғамының (TDK) басшысы Гюрер Гюльсевиннің төрағалығымен өтті.
Оған ТМҰ ақсақалдар кеңесінің басшысы, Түркияның Әділет және даму партиясы төрағасының орынбасары Бинали Йылдырым қатысты.
Комиссия құрамына түркі мемлекеттеріндегі тіл саясаты мәселесімен айналысатын әр ресми құрылымнан екі мүшеден кіреді.
