Ыстанбұлдағы қазақтар жер сілкінісінен зардап шеккендерге 160 мың доллар көмек жинады
Ыстанбұлдағы қазақтар жер сілкінісінен зардап шеккендерге 160 мың АҚШ долларын құрайтын көмек жинады, деп хабарлайды ҚР Сыртқы істер министрлігі.
«Ыстанбұлдағы қазақтар жер сілкінісінен зардап шеккендерге көмек жолдап жатыр Қазақстанның Ыстанбұлдағы Бас консулдығы, еліміздің белсенді азаматтары, студенттер және жергілікті қазақ диаспорасы Түркияның алапат зілзала салдарынан зардап шеккен аймақтарына гуманитарлық көмек жолдау бойынша белсенді жұмыс істеуде. Осы уақытқа дейін сомасы шамамен 160 мың АҚШ долларын құрайтын көмек жиналып, жөнелтілді. Атап айтқанда, балалар тағамдары, балалар киімдері, жөргектер, азық-түлік, жылы киімдер, көрпелер және т.б. қажетті өнімдер жолдануда. Гуманитарлық көмек түрік билік органдарының келісімімен жасалуда», — делінген хабарламада.
Bu gönderiyi Instagram’da gör
