Travel+Leisure туристік журналының «Әлемнің үздіктері» марапаттау бағдарламасында Ыстанбұл «Еуропаның үздік 15 қаласы» тізімінде бірінші орынды иеледі, деп TRT-ге сілтеме жасап Turanews.kz хабарлайды.
Нью-Йоркте шығатын журналдың оқырмандары «Әлемнің үздіктері» бағдарламасының биылғы марапаттарына дауыс берді. Бағдарлама аясында ең танымал әуе компаниялары, әуежайлар, қонақ үйлер, тур операторлары мен қалаларға дауыс берді.
Қалалық марапаттарға оқырмандар «туристік көрікті жерлер, көрнекті орындар, мәдениет, тамақ, достық, сауда және құндылық» номинациялары бойынша дауыс берді.
«Еуропадағы үздік 15 қаласы» тізімінде орташа «90,23» көрсеткішпен Ыстанбұл бірінші орын алды.
«Көптеген нұсқалары бар өте әдемі қала», «Барлық бюджетке қолайлы» сынды пікірлер қалдырған оқырмандар сондай-ақ Жабық базар, Сұлтанахмет мешіті мен Босфор бұғазын ең сүйікті орындар қатарында көрсетті.
Ыстанбұлдағы «Four Seasons» қонақ үйі де оқырмандардың толық ұпай алып, «Әлемдегі үздік қонақ үй» атанды.
Ыстанбұлдан кейін тізімде кезегімен «Флоренция, Рим, Лиссабон, Порту, Севилья, Любляна, Сан-Себастьян, Прага, Барселона, Зальцбург, Эдинбург, Мадрид, Бордо, Вена» қалалары орын алды.
