Түркияның Измир қаласындағы мұнай өңдеу зауытында жарылыс болды

Алдын ала мәліметтер бойынша, оқиғаның себебі техникалық ақау болуы мүмкін, бірақ жарылыстың нақты мән-жайы әлі анықталған жоқ. Жарылыс болған соң, оқиға орнына бірден өрт сөндірушілер, құтқарушылар мен медицина қызметкерлері жіберілді.

«TÜPRAŞ» зауытының басшылығы оқиғаның мән-жайын анықтау үшін шұғыл қызмет өкілдерімен тығыз бйланыста жұмыс істеп жатқанын мәлімдеді. Ұжым қызметкерлері мен қоршаған ортаның қауіпсіздігі үшін зауыт жұмысы уақытша тоқтатылды.

«TÜPRAŞ» Түркияның ірі мұнай өңдеуші зауыттарының бірі және ол елді энергоресурстармен қамтамасыз етуде стратегиялық маңызға ие.

Оқиға орнында қажетті жұмыстар атқарылып жатыр. Жергілікті билік өкілдері жақын арада болған оқиғаны бүгін-шігесіне дейін баяндайды деген үміт бар.