Түркиядағы жер сілкінісінен қаза тапқандар саны 17 мың 674-ке жетті

Түркиядағы  жер сілкінісінен қаза тапқандар саны 17 мың 674-ке жетті, деп хабарлайды Turanews.kz TRT-ге сілтеме жасап.

Апат және Төтенше жағдайларды басқару басқармасы 6 ақпанда болған жер сілкінісінен зардап шеккен аймақта қаза тапқандардың саны 17 674-ке, жараланғандар саны 72 897-ге жеткенін хабарлады.

6 мың 444 қираған ғимараттың қирандыларында іздеу-құтқару жұмыстары жалғасуда.

Аймақта  іздестіру-құтқару жұмыстарын қосқанда 113 мың 201 жеке құрам жұмыс істеа жатыр.

Өңірге жөнелтілген 94 мыңнан астам отбасылық шатырдың 73 мың 11-і орнатылды.

Аймаққа  95 жылжымалы асхана, 79 қоғамдық тамақтандыру көлігі, 4 жылжымалы пеш, 39 далалық асхана, 1 контейнерлік ас үй және 86 қызметтік көлік жөнелтілді.