Түркиядағы егде жастағылар арасындағы ажырасулар саны өсуде
Түркия Статистика Институтының мәліметі бойынша, 2024 жылы 50 жастан асқан түрік азаматтары арасында ажырасу оқиғаларының саны күрт өскен. Бұл соңғы уақытта байқала бастаған жаңа үрдіс қоғамның әлеуметтік және мәдени құндылықтарындағы өзгерістерді көрсетеді.
Ресми деректерге сүйенсек, бұл жас тобындағы ажырасулардың саны алдыңғы жылдармен салыстырғанда 15%-ке артқан.
Сарапшылардың пікірінше, бұл 50 жастан асқан адамдардың отбасылық өмірге деген көзқарасының өзгеруімен байланысты. 2024 жылы 55 595-ке жуық 50 жастан асқан адам ажырасқан болса, 2020 жылы бұл көрсеткіш айтарлықтай төмен болған.
Ұзақ жылдар бірге тұрған көптеген жұбайлар енді бір-бірімен үйлесімді өмір сүре алмайтынын түсіне бастаған. Бұған әлеуметтік және қаржылық жағдайдың жақсаруы да әсер етуде. Әлеуметтанушылар бұл жағдайды Түркиядағы өмір сүру деңгейінің өзгеруімен түсіндіреді.
Бұрын егде жастағылар арасында ажырасу сирек кездесетін. Қазір 50 жастан асқан адамдар өздерін қанағаттандырмайтын қарым-қатынастан бас тартып, жаңа өмір бастауға құқылы деп санайтындардың саны артуда.
