Sabah газетінің хабарлауынша, билік салалар бойынша ерекшеленетін еңбек заңдарын біріктіріп, жұмыспен қамту секторы үшін кешенді және бірыңғай реттеуді әзірлеуді жоспарлап отыр.
1936 жылы бекітілген Еңбек туралы заңда жұмыс нормасы күніне 8 сағат және аптасына 48 сағат деп белгіленген. 2003 жылы еңбек заңы қайта қаралып, одан кейін жұмыс аптасы 45 сағатқа қысқарған. Алайда, бұл нормалар жалпыға бірдей қолданылмайды. Осылайша, БАҚ секторында және теңіз еңбек заңнамасында 48 сағаттық жұмыс аптасы норма болып қала береді, ал басқа салаларда 45 сағаттық апталық норма қолданылады. Бұл ретте қызметкер жылына 270 сағатқа дейін үстеме жұмысқа тартылуы мүмкін.
Үкімет барлық кәсіптік топтар үшін ережелерді бір жүйеге келтіріп, аптасына 35-40 жұмыс сағатын норма және үстеме жұмыстың жаңа нормалары ретінде енгізуді көздеп отыр. Бұл өзгерістерді технологияларды дамытудың ағымдағы жағдайын ескере отырып әзірлеу жоспарланған, бұл процестердің тиімділігін арттыру арқылы жұмыс уақытын қысқартуға мүмкіндік береді. Сонымен қатар, жұмысқа қабылданған қызметкерлердің құқықтарына, сыйақылардың нормалары мен мөлшерлеріне, үстеме жұмыс коэффициенттеріне, әлеуметтік кепілдіктерге қатысты кейбір заңнамалық нормаларды қайта қарау жоспарланды. Бұл ережелерді қайта қарау — қызметкерлердің мүддесі үшін жасалатыны айтылды.
