Түркияда жалған долларларға қарсы қауіпсіздік шаралары күшейтілді
Жалған ақша жасайтындар көбінесе 50 және 100 долларлық банкноттарды таңдап жатыр.
Түркиядағы ең ірі базарлардың бірі, Ыстанбұлдағы әйгілі Қапалы Чаршыда жалған долларлардың таралуы туралы ақпарат тарады.
Бұл жағдайға байланысты Түркия банктер қауымдастығы екінші деңгейлі банктерге қауіпсіздік шараларын күшейтуді және қызметкерлерін 50 және 100 долларлық банкноттармен жұмыс істеген кезде аса сақ болуға шақырды.
Қазіргі замандағы жалған ақшалардың сапасы жоғары болғандықтан, оны тексеру өте күрделі, бірақ бұл мәселені шешу үшін арнайы шаралар қабылдануда. Базардағы сатушылар мен туристердің көптігі жалған ақша айналымын арттырғанымен, Жеке қаржы институттары өз қызметкерлеріне әсіресе 50 долларлық банкноттармен жұмыс істеген кезде аса сақ болуды тапсырды.
Авторизацияланған айырбастау пункттері қауымдастығының төрағасы Мұстафа Үнвер, жалған доллардың көп бөлігі Азия, Таяу Шығыс және Балқан елдерінен келетінін атап өтті.
«Орта Шығыс, Азия және Балқан елдерінде басылған жалған долларлар Ыстанбулдағы Қапалы Чаршы арқылы нарыққа шығарылуға тырысып жатыр. Бұл жолы басылған ақша өте жоғары сапалы. Доллардың ортасындағы көк жолақтың түпнұсқаға өте ұқсас жасалғанын байқадық. Егер ақша санау машиналарының бағдарламалық жасақтамасы жаңартылмаған болса, құрылғы жалған ақшаны анықтай алмайды. Осылайша, тәжірибесі жоқ адамдар оңай алдануы мүмкін», — деп мәлімдеді ол.
