Түркия Сыртқы істер министрі Хакан Фидан Үрімжіге барды
Түркия Сыртқы істер министрі Хакан Фидан Қытайдың солтүстік батысындағы Шыңжаң аймағының бас қаласы Үрімжіге барды.
Түркия Сыртқы істер министрі Хакан Фидан Қытайдың Шыңжаң-Ұйғыр автономиялық ауданындағы Қашғар қаласындағы Юсуф Хас Наджибтің қабірі мен Идгах мешітін зиярат етті. Бұл туралы Түркия Сыртқы істер министрлігіның баспасөз қызметі мәлімдеді.
Мәліметке сәйкес министр Фидан Юсуф Хас Наджибтің қабірі мен Қашғар қаласының тарихи Идгах мешітін зиярат етті.
Кейін Хакан Фидан үлкен халықаралық базарға барды.
Түркияның Сыртқы істер министрі мұнда базарды аралап, балалармен әңгімелесті.
Дипломатиялық дереккөздердің хабарлауынша, Түркия Сыртқы істер министрі кездесулерінде ұйғыр түріктерінің мәдени құқықтарын қорғау және олардың құндылықтарына құрмет көрсетудің маңыздылығына тоқталғанын білдірді.
Естеріңізге сала кетейік, Түркия Сыртқы істер министрі Хакан Фидан Қытай Сыртқы істер министрі Ван Идің шақыруымен 2024 жылғы 3-5 маусым аралығында Қытайға ресми сапармен барды.
