Әзербайжанның Нахчыван қаласында Дүниежүзілік Шахмат федерациясы ұйымдастырған 16 жасқа дейінгі шахмат олимпиадасына Түркия 3 командамен қатысты, деп хабарлайды TRT.Net.
Түркия «Түркия-Қызыл» командасымен шахмат тарихында тұңғыш рет «Олимпиада чемпионы» атанды.
23 елден 34 команда бақ сынаған турнирде өте сәтті өнер көрсеткен «Түркия-Қызыл» командасы 8-ші турда ойнаған Өзбекстан матчында 4-0 ұпайлық жеңіспен соңғы тур алдында «Олимпиада чемпионаты» болғанын жариялады.
Жеміл Ағамалиевтің жетекшілігімен құрамында Ерай Кылыч, Хасан Хүсейин Челик, Таха Өзкан, Гүленай Айдын және Хатиже Аслы Мушту бар «Түркия-Қызыл» командасы Ұлыбритания, Моңғолия, Өзбекстан, Әзербайжан, Қазақстан, Куба және Иранның мықты командаларына қарсы өнер көрсетіп, олимпиаданың жұлдызы атанды.
Түркия Шахмат федерациясының төрағасы Гүлкыз Түлай: «Біз өте толқып отырмыз. Өте қуаныштымыз, спортшыларымызды мақтан тұтамыз. Тарихта тұңғыш рет «Олимпиада чемпионы» атанған үлкен жетістікке қол жеткізген жас ұландарымызбен мақтанамыз» деді.
‘Olimpiyat Şampiyonu’ Türkiye 🇹🇷♟️👏 Bu gurur Türkiye’nin!
Azerbaycan Nahçıvan’da düzenlenen @FIDE_chess Dünya U16 Satranç Olimpiyatı’nda Türkiye-Kırmızı Takımı tarihte bir ilke imza attı ve ‘Olimpiyat Şampiyonu’ oldu. pic.twitter.com/KKz2doOig6— Türkiye Satranç Federasyonu (@TurkishChess) October 9, 2022
