Түркия министрлігі жер сілкінісінен келген шығынды есептеді
Түркия қаржы және қазынашылық министрлігі Кахраманмараш провинциясындағы жер сілкінісінің экономикалық залалын есептеді, деп хабарлайды Turanews.kz trthaber.com. сайтына сілтеме жасап.
Агенттіктің мәліметіне қарағанда, табиғи апаттан кейін өңірлерді қалпына келтіру және қайта құрылымдауға 2 трлн түрік лирасы (104 млрд доллар) қажет. Сарапшылардың бағалауынша, бұл сома 2023 жылы елдің табысының 9%-ын құрайды.
Бұдан бөлек, экономикадағы материалдық залал 1999 жылы Измит қаласына жақын маңда болған жер сілкінісінен болған зардаптан алты есеге көп.
Еске сала кетсек, 6 ақпанда Түркияда магнитудасы 7,7 балдық жойқын жер сілкінісі болды. Эпицентрі Кахраманмараш провинциясындағы Пазарджик ауданында болған зілзала ошағы 7 шақырым тереңдікте болған. Жер сілкіну салдарынан Хатай, Газиантеп, Килис, Османие, Малатья, Адыяман, Шанлыурфа, Диярбекир, Адана және Кахраманмараш провинцияларында көптеген ғимараттар қирады.
