Түркияның Көлік және инфрақұрылым министрі Абдулкадир Уралоғлу елдің инфрақұрылымын қалпына келтіру мақсатында 25 маманнан тұратын топтың Дамаск халықаралық әуежайында қайта жаңғырту жұмыстарын бастағанын айтты.
– Түркия Сирияға техника мен құрылғылар жіберді. Бұл — он жылдан астам азаматтық соғыстан кейін елді қалпына келтірудегі маңызды қадам, — деді түрік министрі.
Жоба әуежайдың негізгі жүйелерін, соның ішінде навигациялық, терминалдық және авариялық-құтқару жүйелерін қалпына келтіру және орнатумен айналысатын жоғары білікті техникалық мамандарды тартады.
Ең маңызды жұмыстардың бірі – диспетчерлік мұнараны қалпына келтіру. Қазіргі уақытта екі жаңа радиотаратқыш қондырғы орнатылып, навигациялық құрылғылар жөнделді.
Терминалдың қауіпсіздігі мен сенімділігін арттыру үшін Түркия Дамаскіге 113 бірлік арнайы техника жіберді. Әуежайға он рентген сканері, металл детекторлары және жарылғыш заттарды анықтау құрылғылары жеткізілді, олардың кейбіреулері нысандарға орнатылды.
Қазіргі ынтымақтастық Түркия мен Сирия арасындағы байланыстың нығаюын және Сирияның инфрақұрылымын қалпына келтіруге қосылған маңызды үлесті білдіреді.
