Түркия 165 елге түрік лирасымен тауар экспорттады
Бұл туралы Түркия Сауда министрлігі мәлім етті.
Түркия сыртқы саудада ұлттық валютаны қолдануды арттырып келеді. 2025 жылдың шілде айында ғана түрік лирасымен экспорттық жеткізілімдер әлемнің 165 еліне жүзеге асырылған, деп хабарлайды АЗЕРТАДЖ.
Түркия Сауда министрлігінің деректеріне сәйкес, 2025 жылдың алғашқы жеті айында ұлттық валютадағы сыртқы сауда көлемі 830,5 миллиард лирадан асып, 2024 жылдың қаңтар–шілде айларымен салыстырғанда 35,2%-ға өскен.
Тікелей шілде айында Түркияның ұлттық валютадағы экспорты бір жылда 8,8%-ға артып, 28,4 миллиард лираны құрады. Ал импорт 51,3%-ға өсіп, 104,2 миллиард лираға жетті. Осылайша, тек шілде айының өзінде түрік лирасымен сыртқы сауда көлемі 132 миллиард лирадан асқан.
Ұлттық валютадағы саудаға өткен айда 39,5 мыңнан астам түрік компаниясы қатысқан.
Бұдан бұрын Түркияның Статистика институты (TÜİK) 2025 жылдың шілдесіне арналған инфляция бойынша оң деректерді жариялады. Белгілі болғандай елдегі инфляция 33,5%-ға дейін баяулады.
