Өзбекстанның сауда-өнеркәсіп палатасынан мәлім еткендей, қордың капиталын 20%-ға көтеру ұсынысы Бакуде өткен конференция аясында талқыланды.
Қорға бағытталатын қосымша қаражат бизнесті дамыту және Түркі елдері арасындағы тауар айналымын арттыру жобаларын іске асыруға жұмсалады.
Еске салайық, Түркі инвестициялық қоры өз жұмысын былтыр мамырда бастады. Сол уақытта оның капиталы 500 млн доллар көлемінде белгіленген еді.
Түркі инвестициялық қорын құру туралы келісімге 2023 жылдың 16 наурызында Анкарада өткен Түркі мемлекеттері ұйымының кезектен тыс саммиті аясында қол қойылған болатын. Құрылтайшы елдер қатарында Қазақстан, Әзербайжан, Қырғызстан, Өзбекстан және Түркия бар.
