Түркі академиясының басшысы Түркия елшісімен кездесті

5 қаңтарда Түркі академиясының президенті Шаһин Мустафаев Түркия Республикасының Қазақстандағы Төтенше және Өкілетті Елшісі Уфук Екижимен кездесті.

Кездесуде Елші У. Екижи Ш. Мустафаевты Академия басшысы лауазымына кірісуімен құттықтап, жауапты қызметте сәттілік тіледі.

Өз кезегінде Академия басшысы Түркия елшісіне ризашылығын білдіріп, берік қалыптасқан өзара әріптестіктің жалғасатынына сенім білдірді.

Сонымен қатар, тараптар кездесу барысында ынтымақтастықты тереңдету жөнінде пікір алмасты.