Бұл туралы Түркия Ұлттық қорғаныс министрлігінің баспасөз және қоғаммен байланыс жөніндегі кеңесшісі Зеки Актүрік баспасөз мәслихатында мәлім етті, деп хабарлайды Анадолу агенттігі.
Актүріктің мәліметінше, қауіпсіздік стратегиясының аясында барлық қауіп түрлерімен күресуді жалғастырып жатыр.
Оның айтуынша, соңғы аптада 59 лаңкес залалсыздандырылса, 1 қаңтардан бері 1151 лаңкес жойылды. Олардың 521-і Иракта, 630-ы – Сирияның солтүстігінде.
Ақтүрік сонымен бірге осы аптада Ирактың солтүстігіндегі жасырыну орындарынан қашқан бір PKK террористінің Хабур шекара бекетінде тұтқынға берілгенін хабарлады.
