Әзербайжан астанасы Бакуде Түркия президенті Режеп Тайып Ердоған мен Әзербайжан президенті Ильхам Әлиевтің бастамасымен құрылған Түрік-Әзербайжан университетінде (TAÜ) алғашқы сабақ күні басталды.
Алғашқы оқу күніңде 86 студент үш инженерлік мамандық бойынша сабаққа бастады: компьютерлік, өнеркәсіптік және тағамдық инженерия.
Түрік-Әзербайжан университеті Әзербайжан техникалық университеті мен Түркияның үш жетекші университетінің бірлескен жобасы болып табылады: Таяу Шығыс техникалық университеті (ODTÜ), Ыстанбұл техникалық университеті (ITU) және Хаджеттепе университеті. Бұл университеттердің әрқайсысы белгілі бір оқу саласын қадағалайды.
Айта кетейік, университетті құру туралы меморандумға 2024 жылғы 19 ақпанда Анкарада Әзербайжанның Ғылым және білім министрлігі мен Түркияның Жоғары білім кеңесінің (YÖK) өкілдері екі ел президенттерінің қатысуымен қол қойды.
