Былтыр келушілердің назарын аударған түнгі мұражайлар жобасы биыл 1 маусымнан бастап қайта жалғасады. Бұл жоба аясында көптеген мұражайлар кешкі уақытта да өз есіктерін айқара ашады.
TRT Haber-дің хабарлауынша, «Түнгі музей» бастамасы арқылы Түркия тарихи-мәдени мұраларын көпшілікке кеңірек танытуды, туристерге ерекше әсер сыйлауды және жыл бойғы туризм аясын кеңейтуді көздеп отыр.
Түнгі уақытта ашық болатын бірқатар тарихи орындар мен музейлер:
-
Эфес антик қаласы (Измир) – Ежелгі Рим дәуірінің сәулеті сақталған, әлемдік мұра тізіміне енген қала. Артемида храмы, Келс кітапханасы бар. (Сәрсенбі–сенбі, 23:00-ге дейін)
-
Галата мұнарасы (Стамбул) – XIV ғасырдағы генуэздік құрылыс, қаланың панорамалық көрінісін тамашалауға болады. (23:00-ге дейін)
-
Анадолы өркениеттері музейі (Анкара) – Түрік жеріндегі көне мәдениеттерге арналған археологиялық жәдігерлер қойылған. (21:00-ге дейін)
-
Этнография музейі (Анкара) – Түрік халқының дәстүрі мен тұрмысын таныстыратын этнографиялық жинақ. (21:00-ге дейін)
-
Aspendos антик театры (Анталия) – Әлі күнге дейін қолданылатын ежелгі рим амфитеатры. (22:00-ге дейін)
-
Patara (Анталия) – Рим империясы кезіндегі маңызды әкімшілік орталықтардың бірі. (22:00-ге дейін)
-
Side (Анталия) – Теңіз жағасындағы көне қала. Аполлон храмымен танымал. (22:00-ге дейін)
-
Бодрум суасты археология музейі – Су астынан табылған көне кемелер мен амфорлар қойылған ерекше музей. (22:00-ге дейін)
-
Хиераполис (Денизли) – Памуккалемен қатар орналасқан ежелгі қала. (23:00-ге дейін)
-
Зельве–Паша Бағлар (Каппадокия) – Тау ішіндегі шіркеулер мен монастырьлар сақталған аймақ. (21:00-ге дейін)
-
Деринкую жерасты қаласы (Каппадокия) – Қауіп кезінде паналауға арналған көп қабатты жерасты мекені. (21:00-ге дейін)
-
Каймаклы жерасты қаласы (Каппадокия) – Мыңдаған адамға арналған күрделі құрылым. (21:00-ге дейін)
-
Өзконак жерасты қаласы (Каппадокия) – Жасырын өткелдері бар ерекше қорғаныс құрылым. (21:00-ге дейін)
-
Зеугма мозаика музейі (Газиантеп) – Әлемдегі ең ірі мозаика музейлерінің бірі. (21:00-ге дейін)
-
Шанлыурфа археология музейі – Гёбеклі тепе жәдігерлері бар, мыңжылдық тарихпен таныстырады. (21:00-ге дейін)
-
Халеплибахче мозаика музейі (Шанлыурфа) – Жеке үйлердегі мозаикалық композициялар қойылған. (21:00-ге дейін)
-
Сардес антик қаласы (Маниса) – Ежелгі Лидия патшалығының орталығы. (Маусым айының соңынан бастап түнде ашылады)
