Трамп мемлекеттерге барлық салаларды қамтитын баж салығын енгізбек
Президент Дональд Трамп АҚШ-тың барлық сауда серіктестері үшін 10% тарифті және өзінің «Америка бірінші кезекте» атты бағдарламасы аясында өзге ондаған мемлекетке барлық саланы қамтитын жоғары баж салығын енгізуді қарастыратын пакетін ұсынды.
-Құрметті америкалықтар, бүгін азаттық күні, — деп бастады Трамп сөзін.
Трамп жаңа шараларды «барлық елдер үшін екіжақты тариф» деп атады. Ол АҚШ-тан импортталатын тауарларға салынатын «тым жоғары» тарифтерді экспорт тарифімен салыстырып, сынға алды.
-2025 жылдың 2 сәуірі Америка өнеркәсібінің қайта жанданған, Американың бұрынғы дәуірі қайта оралған, біз АҚШ-ты қайтадан бай елге айналдарған күн ретінде мәңгі есте қалады, — деп мәлімдеді Трамп.
Трамп әкімшілігі 10 пайыздық базалық тарифтен өзге Ақ үй АҚШ-тың сауда теңгеремін өрескел бұзды деп санайтын елдер үшін жауап ретінде баж салығын енгізеді. Бұл баж осы елдердің АҚШ экспортынан алатын ставкалардың жартысына жетеді.
Трамп кейбір мемлекеттердің ставкасы өте жоғары екенін айтты. Тізімді АҚШ тауарларына 67 пайыз ставка қойған Қытай бастап тұр. Бұл елге тариф 34 пайыз болады.
Бірақ ең жоғары тарифтер Камбоджаға — 49% (АҚШ-тан 97% өндіреді) және Вьетнамға — 46% (90%) қатысты да қолданылады.
Сондай-ақ тізімде:
- Таиланд – 36% (72%),
- Тайвань – 32% (64%),
- Индонезия – 32% (64%),
- Швейцария – 31% (61%),
- Оңтүстік Африка – 30% (60%),
- Үндістан – 26% (52%),
- Жапония – 24% (46%),
- Оңтүстік Корея – 25% (50%)2,
- Малайзия — 24% (47%),
- ЕО — 20% (39%) және басқа елдер бар.
Ақ үй басшысы шетелдік тауарларға жарияланатын ауқымды тариф тәртібін түзетуге уәде берді, ол ойын ережесін теңестіретінін айтты.
— Біз олардан бізден алатын төлемнің жартысына жуығын өндіріп алмақпыз, — деді Дональд Трамп жаңа тарифтер көрсетілген кестені көтеріп.
Дональд Трамп бұл америкалық индустрия қайта жанданған күн болатынын және жаңа «Американың алтын ғасыры» туралы айтты.
Сондай-ақ өз сөзінде Трамп Ресей мен Украина арасындағы қақтығысты тоқтату қажеттігін атап өтті.
