![](https://turanews.kz/wp-content/uploads/2024/07/trumpvsharris-780x470.png)
Журналистермен телефон конференциясы кезінде Д. Трамп вице-президент К.Харриспен пікірталас өткізетінін айтты. Ол дебаттың ABC News арнасы немесе басқа платформада өтетініне қарамастан, «бірнеше пікірталас өткізуге дайын» екенін мәлімдеді.
Д.Трамп сонымен қатар «ABC News-ке көңілі толмайтынын» білдірді, оның пікірінше, бұл арна президент Джо Байден мен К.Харристің мүддесін қолдайды. Бұған дейін Д.Трамп пікірсайысты неғұрлым консервативті Fox News-те өткізуді талап еткен.
Естеріңізге сала кетейік, Д.Трамп пен Дж.Байден мамыр айында екі пікірсайыс өткізуге келісті — 27 маусымда CNN арнасында және 10 қыркүйекте ABC News телеарнасында. Дж.Байденнің маусымдағы пікірсайыстағы өнері оның АҚШ президенттігіне кандидатурасын Демократиялық партиядан алып тастауға және эстафетаны К.Харриске беруіне әкеп соқты.
Алайда, кандидатты таңдау туралы соңғы шешім 19-22 тамыз аралығында Чикагода өтетін Демократиялық партияның съезінде қабылданады.
Сейсенбі күні Трамптың сайлауалды штабы әлеуметтанушы Тони Фабриционың К.Харристің рейтингі жоғарылап, ол Д.Трамппен салыстырғанда уақытша алға жылжығаны туралы жазбасын жариялады.