Ташкенттен Астанаға ұшқан ұшақ кері қайтуға мәжбүр болды
Әлеуметтік желілерде Ташкенттен Астанаға ұшқан ұшақ мәреге жетпей, Өзбекстан астанасына қайта оралды деген ақпарат тарады.
Әлеуметтік желілерде Ташкенттен Астанаға ұшқан ұшақ мәреге жетпей, Өзбекстан астанасына қайта оралды деген ақпарат тарады.
Ислам Каримов атындағы халықаралық әуежайдан 19 маусымда Ташкент-Астана бағыты бойынша ұшып шығуы тиіс болған HY-721 жолаушылар рейсінің герметикалық бұзылу салдарынан рейсін аяқтамағаны атап өтілді.
А320 ұшағының ұшуы 2 сағатқа, 13:45 пен 15:45-ке дейін созылуы керек болған. Бірақ есіктері жабылмағандықтан ұшақ әуеге көтерілгеннен кейін 45 минуттан соң Ташкентке қайтуға мәжбүр болған.
Мұны Flightradar ресурсының деректері де растайды. Өзбекстан әуе жолдары бұл жағдайға қатысты ресми түсініктеме беріп, жолаушылардан кешірім сұрады.
«Жүк бөлімі есігінің жабылмағандығын білдіретін дабылға байланысты экипаж көтерілуді тоқтатып, процедураларға сәйкес ұшып шыққан әуежайға қайту туралы шешім қабылдады. Әуе компаниясының мамандары ұшақты ұшуға дайындау үшін барлық қажетті жұмыстарды атқарды, ұшақ жақын арада діттеген жеріне қайта аттанады», – делінген хабарламада.
