Ташкентте Өзбекстан мен Қырғызстан СІМ басшылары кездесті
Ташкентте Өзбекстан Республикасының Сыртқы істер министрі Бахтиёр Саидов қырғызстандық әріптесі Жээнбек Кулубаевпен кездесті.
Бұл туралы УзА агенттігі жазады.
Екі елдің сыртқы істер ведомстволарының басшылары Өзбекстан мен Қырғызстан президенттерінің келісімдерін жүзеге асырудағы табыстарға ерекше назар аударды. Елдер арасындағы ынтымақтастықтың күн тәртібіндегі өзекті мәселелерді талқылады. Сондай-ақ халықаралық және аймақтық мәселелер бойынша пікір алмасты.
Сонымен қатар, осы жылы жоспарланған бірлескен іс-шаралар аясында айқындалған бірлескен жоспарлар мен жобаларды жүзеге асыру мәселелері талқыланды. Саммит кездесулеріне дайындық бойынша бірлескен «Жол картасына» қол қойылды.
Күтілетін оқиғалар бұрын қол жеткізілген келісімдерді нығайтып, Өзбекстан-Қырғызстан жан-жақты стратегиялық серіктестік қарым-қатынастарын одан әрі дамыту мен нығайтуға қызмет ететіні атап өтілді.
Тараптар мамандандырылған халықаралық ұйымдар аясындағы ынтымақтастық пен үйлестіруді нығайтудың маңыздылығын айтты.
